Përfaqësuesja e Kosovës humbi nga Spanja me rezultat 3-1 në ndeshjen e vlefshme për kualifikimet e Kampionatit Botëror “Katar 2022”.
Ashtu si ndaj Suedisë, edhe për këtë takim Telegrafi krijoi një sondazh që i dha mundësi të gjithë lexueseve të votojnë për tre lojtarët më të mirë sipas tyre në ndeshje.
Në 2000 votat e para, më i miri me një diferencë të madhe ishte Ibrahim Dresevic, i cili mori 28 për qind të votave.
Në vendin e dytë ishte Samir Ujkani me 20 për qind të votave, kurse top treshja mbyllet nga Arbër Zeneli me 17 për qind.
Të tjerët: Besar Halimi 14%, Lirim Kastrati 7%, Vedat Muriqi 4%, Hekuran Kryeziu, Milot Rashica, Fidan Aliti 2%, Florent Hadergjonaj, Mërgim Vojvoda, Bersant Celina, Benjamin Kololli dhe Idriz Voca 1%. /Telegrafi/