Robert Lewandowski ka thënë se Leroy Sane mund të ndihmonte shumë Bayern Munichun nëse kalon në këtë verë.
Bavarezët ka kohë që po tentojnë të transferojnë anësorin gjerman, mirëpo Manchester City kërkon mbi 100 milionë euro.
Skuadra gjermane nuk është e gatshme që të paguajë atë shumë, mirëpo tani vlera e lojtari ka rënë shkaku i coronavirusit dhe lëndimit që kishte në fillim të sezonit.
Por, Lewandowski mendon se nëse Sane transferohet në Allianz Arena, do t’i ndihmonte shumë ata.
“Ka shumë spekulime. Unë mund të them vetëm se ai është një lojtar i mrekullueshëm dhe që me cilësitë e tij do na ndihmonte shumë”, ka thënë polaku.
“Jo vetëm në Ligën Premier dhe në Ligën e Kampionëve, por ne e kemi parë atë çfarë ka bërë edhe te Schalke, me lojën e tij do na forconte”, ka shtuar më tej ai.
Bayerni është aktualisht me krye të tabelës së Bundesligës, derisa Hansi Flick po tregon cilësi të mira si trajner, duke e ndihmuar skuadrën të përmirësohet më shumë. /Telegrafi/