Paris Saint-Germain dhe Chelsea janë futur në garë për sulmuesin e Bayern Munich, Robert Lewandowskit.
Kjo pasi kanë mediat shkruajnë se klubi gjerman nuk ka rënë dakord me kërkesat e reja për kontratë nga lojtari.
Raportohet se futbollisti polak kërkon një kontratë prej 24 milionë eurosh në sezon deri në vitin 2025, ndërsa klubi gjerman heziton të pajtohet me këto kërkesa.
Klubi beson se lojtari është në fazën e fundit të karrierës së tij dhe një pagesë e tillë e madhe do të pengonte situatën tashmë të pasigurt financiare.
Por Bayern nuk ka hequr dorë plotësisht dhe ka komunikuar me agjentin e lojtarit duke i treguar se ata duan që lojtari të vazhdojë të luajë në “Allianz Arena”.
Në anën tjetër Bayern Munich tashmë ka marrë oferta nga dy klube, por ende nuk ka asgjë konkrete.
Sipas The Sun, Chelsea dhe Paris Saint-Germain, po e ndjekin nga afër situatën e lojtarit.
Mbetet për t’u parë se ku do të përfundojë Lewandowski, nëse largohet nga Bayerni në radhë të parë. /Telegrafi/