Lëvizja Vetëvendosje ka shpallur zgjedhjet e brendshme të përgjithshme ku 30 qendra do të shkojnë në votime.
Nisur nga vendimi i Këshillit të Përgjithshëm të LVV-së nga 15 marsi, secili anëtar do të ketë të drejtë për të votuar e për t’u kandiduar.
“Në 30 qendra të Lëvizjes në Kosovë, anëtarët e Lëvizjes do të kenë mundësi që përmes parimit “një anëtar, një votë” të zgjedhin kryesitë e kryetarët e pikave nëpër lagje e fshatra, të propozojnë kandidatët që vlerësojnë më së shumti apo edhe të vet propozohen”.
Të gjithë anëtarët e LVV-së do të kontaktohen për të marrë pjesë në zgjedhje.
LVV fton të gjithë anëtarët që të bashkohen në këtë proces zgjedhor./Telegrafi/
