“Levitating” e këngëtares shqiptare me famë botërore, Dua Lipës, duket se është një nga projektet më të suksesshme që ka sjell përgjatë vitit të kaluar.
Kënga, e cila është pjesë e albumit “Future Nostalgia”, po vazhdon të jetë shumë e pëlqyer gjithandej.
Së fundmi u bë e ditur se këtë javë kjo është renditur në Top 5 në “The Billboard Hot 100”.
“Levitating e Dua Lipës me DaBaby për herë të parë ka hyrë në top 5 të #Hot100 për këtë javë”, thuhet në një njoftim të bërë nga faqja zyrtare e ‘Billboard’.
Është hera e dytë që këngëtarja me prejardhje nga Kosova është renditur në Top 5 në këtë tabelë.
Bashkëpunimi i Lipës me reperin amerikan është lansuar në YouTube më 2 tetor dhe deri më tani ka kaluar shifrën e 100 milionë klikimeve në YouTube.
Theksojmë që 25 vjeçarja njoftoi këto ditë se ka nisur punën për një tjetër këngë të re. /Telegrafi/
