Lëshohet për qarkullim rruga “Xhorxh Bush” në Prishtinë për autobusët dhe automjetet emergjente

Rruga “Xhorxh Bush”, në Prishtinë të premten u lirua për qarkullim të autobusëve të Trafikut Urban dhe të automjeteve emergjente.

Trafiku Urban ka bërë të ditur se autobusët përgjatë sheshit “Xhorxh Bush” do të lëvizin me shpejtësi të kufizuar në 20 km/h.

Telegrafi mëson se gjoba për qytetarët të cilët kalojnë me veturat e tyre në këtë rrugë do të jetë 500 euro si dhe për një vit marrja e patente shoferit.

Fotografi i Telegrafit, Ridvan Slivova sjell fotografi nga rruga “Xhorxh Bush”, ku nga mëngjesi ka filluar qarkullimi i autobusëve, taksive.

Të drejtë qarkullimi në këtë rrugë kanë edhe ambulancat dhe veturat e policisë.

Pjesa tjetër e kësaj rruge është kthyer në shesh. /Telegrafi/