Një video që është bërë virale në TikTok, shfaq momentin kur autoritetet e rendit në jug të Kalifornisë hasin në rezistencë nga një emigrant, që tenton ilegalisht të kalojë rrethojat që ndajnë kufirin SHBA-Meksikë.
Fillimisht shfaqen një grup emigrantësh duke tentuar të kalojnë rrethojat në Tijuana dhe San Diego, transmeton Telegrafi.
E për të parandaluar një gjë të tillë, rojet kufitare të SHBA-ve kishin dalë në vendin e ngjarjes për të ndërhyrë.
Por një prej emigrantëve nuk u bindej urdhrave, madje i kërcënonte vazhdimisht derisa një prej policëve amerikanë i vjen tinëzisht nga pas dhe e rrëzon në tokë.
Ky moment u filmua nga mijëra emigrantë tjerë që ishin matanë rrethojave, dhe po bënin “tifo” për meksikanin që përfundoi në pranga.
Daily Mail ka kontaktuar doganën amerikane dhe rojet kufitare, por këto agjenci i kanë këshilluar që të gjitha pyetjet që i kanë t’i referohen zyrës lokale të FBI-së në San Diego. /Telegrafi/
