Një burrë në Teksas i cili është filmuar duke lëpirë akulloren që më pas e kthen në frigoriferin e marketit, është dënuar me 30 ditë burgim.
Videoja e Dadrien Anderson ka përfunduar në rrjetet sociale. Ai është filmuar duke nxjerrë një kuti me akullore nga frigoriferi i marketit – që më pas e lëpin dhe e kthen në frigorifer, transmeton Telegrafi.
Por përveç dënimit me burgim, ai duhet të paguaj edhe një dënim prej njëmijë dollarëve si dhe 1.565 tjera kompanisë që prodhon atë akullore.
E gjitha ndodhi në korrik në Port Artur, rreth 150 kilometra larg Teksasit. Megjithatë Anderson dhe babai i tij më pas ishin kthyer në market, për t’ia treguar punonjësve faturën që dëshmon se e kishin blerë akulloren e lëpirë.
Por pavarësisht kësaj, kompania që e prodhon këtë akullore i ka tërhequr nga tregu të gjitha akulloret, si preventivë pasi që nuk e dinte se sa tjera mund t’i ketë lëpirë ai.
Kjo i kushtoi Andersonit 1.565 dollarë, ndërsa më vonë ka pranuar se vërtetë e kishte bërë një gjë të tillë. /Telegrafi/
