Ajo vetëm pak ditë më parë është rikthyer me album të ri të quajtur “Amël”.
Bëhet fjalë për këngëtaren e mirënjohur shqiptare, Leonora Jakupi, e cila në këtë fundvit realizoi një album të shkurtër për fansat e publikun, në të cilin përfshihen gjithsej pesë këngë.
Ndonëse në klip jemi mësuar të shohim çdo gjë perfekt e të detajuar, jo rëndom ndodh edhe në jetë reale.
Ylli nga Drenica ka publikuar një video qesharake në Instagram, nëpërmjet së cilës tregon se si u realizuan xhirimet pranë kuajve.
Ajo duket të ketë hasur në vështirësi të mëdha, edhe pse e ka menaxhuar mirë këtë pjesë.
“Qe një video qesharake, për të parë që nuk është perfekt çfarë shihet në televizion. Një Leonorë e lodhur e frikacake”, kanë qenë fjalët e 42-vjeçares.
Reagimet kanë qenë të shumta nga miqtë e fansat e artistes në hapësirën për komente.
Këto projekte ndërkohë u mirëpritën dhe mblodhën mijëra klikime në YouTube. /Telegrafi/