Rep-artisti me prejardhje nga Peja, Lent, ka filluar të jetë mjaft i kërkuar nga publiku i gjerë.
Krejt kjo, për shkak të veçantisë në interpretimin e projekteve muzikore dhe paraqitjeve të shkëlqyera skenike.
Në një postim në rrjetin social Instagram, reperi ka bërë të ditur se tashmë ka të gatshëm projektin tjetër muzikor.
“FREMD” titullohet kënga, e cila do të publikohet me 24 korrik, nën përkujdesjen e Daminbeats.
I veshur me plot stil, 18-vjeçari është shfaqur edhe nga xhirimet e klipit, ndërsa shihet duke u shëtitur me makinë.
Vlen të përmendet se artisti i ri shqiptar, ka arritur të bëjë duet edhe me reperin e njohur austriak, Raf Camora.
Përpos kësaj, edhe mini-albumi “10” nga ai është pritur mjaft mirë nga adhuruesit e muzikës së tij. /Telegrafi/
![Lent - 10 [prod. Damian Beats]](https://i.ytimg.com/vi/yStEgdKbFA4/hqdefault.jpg)