Ish-kampioni i pa kontestuar në kategorinë e rëndë të boksit, Lennox Lewis, e ka të vështirë të zgjedhë fituesin e duelit të madh në kategorinë e rëndë në boks mes Deontay Wilder dhe Tyson Fury që zhvillohet mëngjesin e të dielës në Los Anxheles.
“Fury po e merr luftën e tij shumë seriozisht. Ju mund ta shihni këtë edhe me peshën që ai ka humbur. Por, askush nuk mund të thotë se çka do të ndodhë derisa këta dy të hynë në ring”.
“Por, Tyson Fury më befason. Ai këtë e ka bërë edhe me Klitsschkon, ai ndezet. Fury lëviz vërtet mirë dhe është një goditës, kurse Wilder ka një të djathtë të madhe, ndaj një boksieri të madh. E gjitha do të jetë nëse Fury do t’ia dalë që të perceptojë lëvizjet e Wilderit”.
“Lufta në SHBA nuk do të ndikojë te Fury, sepse mentaliteti i tij do të jetë i njëjtë. Ai po përballet me një njeri në ring. Kjo nuk ndryshon asgjë. Por, është mirë që ai po lufton përreth botës dhe në SHBA”.
“Deontay ka një të djathtë që mund ta ndryshojë luftën në secilin moment, por që të dy janë goditës të mirë, por shumica po shikojnë kah Wilderi për shkak të fuqisë së tij. Gjyqtarët, nuk mendoj se do të ndikohen aq shumë nëse ndeshja do të shkojë në 12 raunde. Ju e shihni këtë të ndodhë në Las Vegas, por nuk e shoh duke ndodhur në Los Anxheles, që gjyqtarët të favorizojnë dikë”.
“Kjo luftë është e gjitha për Tyson Furyn që është më shumë një boksier dhe nëse ai mund të frustrojë kundërshtarin. Nëse Deontay nuk mund ta godasë atë, atëherë kjo do të thoët se ai më parë nuk ka boksuar ndaj një boksieri të tillë të madh dhe kjo vërtet mund të funksionojë për Furyn”.
“Kë e preferoj të fitojë? Nuk ka lidhje për mua, të dy janë luftëtarë të mëdhenj dhe besoj se varet nga ajo se kush e do më shumë fitoren”.
“Fury nuk është një cak i lehtë dhe nëse lufta shkon në distancë atëherë Tyson Fury do të fitojë në pikë. Kështu, nuk e di se si do të reagojë Fury nëse e pranon një goditje të madhe dhe nëse Wilder do të jetë në gjendje ta përfundojë luftën, duke parë që Fury di si të shpëtojë në ring nga nokauti”, deklaroi Lennox Leëis.
Deontay Wilder dhe Tyson Fury përballen rreth orës 06:00 të mëngjesit sipas kohës tonë, mëngjesin e të dielës. /Telegrafi/