Në kohën sa ishte trajner Christian Panucci, Ermir Lenajani ishte larguar nga kombëtarja duke e refuzuar ftesën e fundit.
Lenjani që është ftuar nga Edy Reja ka refuzuar të flas për letrën e shkruar.
“Nuk dua të flas shumë për letrën. Të gjithë e lexuan, ai ishte mendimi im. Kam thënë të drejtën. Nuk dua të flas për Panuccin. Ishte vendim shumë i vështirë. Më ka ardhur inat për atë moment. Nuk mund të bëhet ai më shqiptar se unë. Ka qenë diçka personale. S’e kam kuptuar pse nuk më grumbulloi. Zhvillova një sezon të mirë. S’dija ç’të thosha në atë moment”.
Lenjani ka folur edhe për takimin që kishte me Edy Rejan në Cyrih ku edhe nga ai takim u kthye te Shqipëria.
“Jemi takuar në Cyrih, jemi takuar me disa lojtarë. Kemi pasur një bisedë shumë të mirë. Ai ka shprehur mendimin e tij”.
“Secili trajner ka mendimin e vetë. Kam qejf të luaj mbrojtës i majtë, në qoftë se trajneri bën lojë mbrojtëse. Për mua s’ka problem, i kam luajtur të gjitha rolet. Personalisht preferoj të luaj mesfushor i majtë”.
Ndeshja me Islandën sipas tij është shumë e rëndësishme.
“Unë mendoj ndeshja me Islandës do të jetë e vështirë dhe vendimtare. Të shikojmë njëherë ndeshjen me Islandën, pastaj të mendojmë për Moldavinë. Unë mendoj që momentalisht Islanda është më e dobët, por si ekip janë shumë të fortë. I kanë 2-3 lojtarë që luajnë në liga të forta. Është fund sezoni, ndoshta nuk jemi të gjithë të freskën, por mendoj që nuk është problem i madh për ne”.
“E rëndësishme është të gëzojmë të gjithë shqiptarët nëpër botë. Të japim maksimumin dhe e rëndësishme është që gjërat të shkojnë mirë”, ka thënë Lenjani. /SS/
https://www.youtube.com/watch?v=u4ekcTuk8Ck