Sulmuesi i talentuar i Kosovës, Arber Zeneli është lënduar përsëri.
Reprezentuesi i Përfaqësueses së Kosovës e ka nisur nga minuta e parë ndeshjen mes Heerenveenit dhe Willem II.
Por në minutën e 25 mitrovicasi pësoi një lëndim nga mbrojtësit kundërshtar.
Ai është detyruar ta lë fushën e lojës pasi nuk ishte në gjendje për ta ndihmuar më shumë skuadrën e tij.
Raportet e fundit nga Holanda thonë se lojtari mund të mungoj rreth 10 ditë.
Mbetet të shihet nëse Zeneli do të jetë i gatshëm për tu grumbulluar me Përfaqësuesen e Kosovës për ndeshjet e muajit mars.
23-vjeçari muaj më parë kishte pësuar një lëndim më të rëndë që e mbajti jashtë fushave rreth tre muaj.
Vlen të ceket se Heerenveen edhe pa ndihmën e Zenelit arriti fitore 2-0 ndaj Willem II. /Telegrafi/