Leeds United është dënuar nga FIFA-s për të kompensuar ish-lojtarin e tyre, Jean- Kevin Augustin me rreth 28 milionë euro.
Sulmuesi francez u mor në janar 2020 nga radhët e RB Leipzigut në formë huazimi me detyrimin blerjeje në rast të promovimit në Ligën Premier, gjë që ndodhi, edhe pse ishte viti kur të gjitha garat u shtyn për disa muaj shkaku i pandemisë.
Augustin luajti vetëm 48 minuta të shpërndara në tri paraqitje në kampionat dhe u largua nga “Elland Road” më 30 qershor, kur skadoi marrëveshja, 17 ditë përpara se Leeds të kthehej në fushë, kur rifilloi kampionati.
Jean-Kevin Augustin spielte nur 51 Minuten für Leeds United, dennoch kostet er den Premier-League-Klub eine Menge Geld. Leeds muss dem Ex-RB-Profi 28 Mio. Euro zahlen https://t.co/c14hJYs54q pic.twitter.com/T93l6XUTmW
— Kronen Zeitung (@krone_at) April 12, 2023
FIFA, në vitin 2021, vendosi se Leeds do të duhej ta paguante shumën e detyrimit të shlyerjes ndaj RB Leipzigut, një vendim i konfirmuar edhe nga CAS nëntorin e kaluar, shkruan The Athletic.
Në fund, anglezët dhe gjermanët ranë dakord për 17.5 milionë euro.
Pikërisht në vazhdën e këtij vendimi, Augustin (aktualisht luan te Basel) ka shfrytëzuar rastin për të paditur Leedsin, që tashmë është i detyruar që t’i paguajë të gjithë shumën që lidhet me kontratën pesëvjeçare prej mbi 100 mijë euro në javë, që do t’i takonte për kontratën.
Leeds pritet që edhe këtë vendim ta apelojë në CAS. /Telegrafi/