Reperi i njohur kosovar, Ledri Vula, ka qenë shumë aktiv muajve të fundit në muzikë.
Muajin e kaluar ai solli duetin me Lyrical Son, i cili u prit shumë mirë nga fansat, teksa së fundmi solli një tjetër duet me Elvanën dhe John Shahun, që gjithashtu u prit mirë.
Ledri ka treguar gjithmonë në intervista se muzikën hip-hop e ka pasur në zemër që nga fëmijëria, teksa është frymëzuar gjithnjë nga reperët e famshëm ndërkombëtarë.
Me një nga këta të fundit, Vula ka pasur rastin edhe të takohet së fundmi.
Bëhet fjalë për reperin French Montana, me të cilin Ledri është fotografuar në prapaskenën e koncertit më të fundit të Montanas, të mbajtur në Zvicër.
Këtë fotografi, Vula e ka ndarë me ndjekësit e tij në rrjetin social Instagram, duke marrë kështu mijëra pëlqime dhe komente nga ndjekësit e tij të shumtë.
Kjo nuk është hera e parë që French Montana takohe me një shqiptar, pasi vitin e kaluar ai ka realizuar një duet me artisten Era Istrefi.
![Era Istrefi - No I Love Yous feat. French Montana (Official Video) [Ultra Music]](https://i.ytimg.com/vi/QlRWZuKPVoo/hqdefault.jpg)
Montana ka qenë gjithashtu pjesëmarrës në klipin “Four Sesons” të Dafina Zeqirit. /Telegrafi/
