Rep-artisti Ledri Vula rreth një muaj më parë ka publikuar albumin e tij më të ri, të titulluar “10/10”. Albumi është pritur tejet mirë nga fansat e tij, duke i bërë këngët mjaft të dëgjuara.
Tashmë, këngët gjenden në të gjitha platformat digjitale, por disa prej tyre ai ka vendosur që t’i publikojë edhe me videoklipe.
Kënga e fundit e lansuar në këtë mënyrë ka qenë në bashkëpunim me kolegun e tij, Vig Poppa e që është titulluar “HA HA HA”.
“Trandail i zi” është projekti i radhës, i shkëputur nga album, që do të publikohet me klip të realizuar nga Supercut.
Një gjë të tillë e ka paralajmëruar në rrjetin social Instagram, ku ditën e nesërme (E diel) do të publikohet në ora 15:00.
Së fundmi reperi është bërë pjesë e mediave rozë, pasi ka ndarë imazhe të ndryshme me të dashurën e tij, Sara Hoxha. /Telegrafi/