Aktori Donald Veshaj dhe reperi ledri Vula pak ditë më parë publikuan bashkëpunimin e tyre më të ri, të titulluar “E keni dit”.
Kënga me ritme melankolike dhe verore është punuar nga producenti Elgit Doda, ndërsa tekstin e kanë shkruar vet Ledri dhe Romeo.
Por sapo futesh për të dëgjuar këngën në fjalë, në sfond dëgjohet një zë tjetër – i cili vërehet dukshëm që nuk është as zëri i Ledrit e as i Romeos.
Bëhet fjalë për këngëtarin rom, Klement Selita, i cili këndon refrenin dhe pothuajse pjesën më të madhe të këngës.
Mirëpo emri i tij nuk figuron te titulli i këngës dhe i njëjti nuk shfaqet as në klip.
Kjo ka bërë që një pjesë e mirë e fansave të këngës të shprehin shqetësimin e tyre për faktin se Klementit nuk i janë dhënë merita të mjaftueshme për këngën.
Në shumicën e komenteve poshtë klipit në YouTube, fansat kanë shprehur indinjatën e tyre për mos-përfshirjen e Klementit në klip, gjersa edhe i kanë akuzuar dyshen për diskrimin racor.
Nuk dihet arsyeja që ka çuar Romeon dhe Ledrin drejt këtij vendimi, megjithatë duket se fansave të këngës, kjo nuk iu ka pëlqyer aspak.
Pavarësisht kësaj, emri i Klementit është përfshirë te pjesa e autorëve poshtë këngës në YouTube, por jo edhe te titulli apo emërtimi i saj në klip. /Telegrafi/
