Në finalen e Super Bowl në Arizona u shfaq edhe pikëshënuesi më i mirë i të gjitha kohërave në NBA, LeBron James, i cili u fishkëllye nga pothuajse 70.000 spektatorë në stadium, por reagimi i tij u bë hit në rrjetet sociale.
Basketbollisti i LA Lakers u shfaq në zonën e të famshmëve me bashkëshorten e tij, ndërsa në momentin kur kamera e afroi dhe ai u shfaq në ekranin e madh, i gjithë stadiumi nisi ta fishkëllejë.
Në një situatë të tillë, shumëkush mund të ndihej i turpëruar apo të humbë guximin, por jo edhe ‘Mbreti’, i cili konfirmoi vetëbesimin e madh.
LeBron James is shown on the Jumbotron at the Super Bowl and the fans boo him 🗣️#NBA pic.twitter.com/RwOjyA9ZUN
— 𝐓𝐚𝐥𝐤𝐢𝐧' 𝐍𝐁𝐀 (@_Talkin_NBA) February 13, 2023
Ai u ngrit në këmbë dhe simuloi vendosjen e kurorës së mbretit në kokë dhe kështu dërgoi një mesazh të qartë për të gjithë.
Ndryshe, Kansas City Chiefs fitoi titullin e NFL pasi mposhti Philadelphia Eagles (38-35) pas një rikthimi të madh në finalen spektakolare të Super Bowl. /Telegrafi/
Why they booing Bron like that 💀 pic.twitter.com/gd8ZDdHkNb
— Overtime (@overtime) February 13, 2023