Ministri i Financave, Avdullah Hoti, zv.ministri i Punëve të Jashtme, Valon Murtezaj dhe kandidati për kryetar të Komunës së Drenasit, Bedri Nika, takuan sot një grup të rinjësh nga Komuna e Drenasit.
Siç njofton LDK, ky takim shërbeu për trajtimin e problemeve të të rinjve dhe çështjeve aktuale në vend si dhe u prezantua puna që po bëhet për përmbushjen e programit qeveritar dhe forcimin e institucioneve.
Gjithashtu, Nika i njoftoi të rinjtë për aktivitetet parazgjedhore dhe synimet që ai i ka për t’i realizuar si kryetar i ardhshëm i Drenasit. /Telegrafi/