Lautaro Martinez festoi ditëlindjen e të dashurës së tij Agustina Gandolfo në një klub nate në Milano pas humbjes së Interit ndaj Juventusit, duke zemëruar klubin.
Sulmuesi argjentinas luajti plot 90 minuta në humbjen në “Derby d’Italia” në fundjavë, duke mos arritur të bëjë diferencën ndaj bardhezinjve.
Lojtari 25-vjeçar është dukur paksa i paqëndrueshëm këtë sezon dhe ka shënuar vetëm shtatë gola në 19 paraqitje në Serie A dhe Ligën e Kampionëve.
Siç raportohet nga Corriere dello Sport, Lautaro festoi ditëlindjen e Gandolfos në një klub nate të njohur në zonën Parco Sempione të Milanos, duke dokumentuar ngjarjen me foto dhe video të postuara në rrjetet sociale.
Interi u acarua menjëherë me situatën dhe përgatit menjëherë për një gjobë. Klubi mendon se veprimet e 25-vjeçarit ishin mosrespektuese dhe zhgënjyese për bashkëlojtarët e tij.
Lautaro foli dje me drejtuesit e Interit në terrenin stërvitor në Appiano dhe sqaroi situatën, duke i lejuar të gjithë të fokusohen në ndeshjen e sotme kundër Bolognas. /Telegrafi/
Serata in discoteca per #Lautaro dopo #JuveInter: multa in arrivo? La società ha già preso la decisione. https://t.co/Kb2elJM7Om
— Calcio In Pillole (@CalcioPillole) November 9, 2022