Michael Laudrup e ka quajtur Sergio Ramosin ‘budalla’ për shkak të përjashtimit me karton të kuq kah fundi i ndeshjes ndërmjet Barcelonës dhe Real Madridit.
Kapiteni i Los Blancos mori kartonin e dytë të verdhë në minutën e 84, por menjëherë pas Cristiano Ronaldo shënoi golin e fitores.
“(Reali) e meritoi fitoren. Në gjysmën e dytë, ata ishin skuadër shumë më e mirë. Duke u kthyer nga disavantazhi prej 1-0 dhe duke e barazuar rezultatin”.
“Pastaj me 10 lojtarë (shënuan golin e fitores), një karton i dytë i verdhë prej budallai i Ramosit”.
“Vërtet mendoj se ata e merituan. Veç kësaj, ata patën edhe dy ose tri raste të mira”, ka deklaruar për Sky Sports lojtari që ka veshur fanellën e të dyja skuadrave. /Telegrafi/