Kryeministri i Shqipërisë Edi Rama i ka dalë në krah homologut të tij spanjoll, Pedro Sánchez, një ditë pasi ai pezulloi veten nga detyrat për shkak të akuzave që po përballet bashkëshortja e tij.
Rama me anë të një postimi në platformën X, e konsideron miqësinë me Sánchez një privilegj, e teksa i kërkon që të mos dorëzohet, pasi e vërteta do të mbizotërojë.
“I dashur Pedro Sánchez! Është privilegj të kem miqësinë tuaj dhe mundësinë për të punuar me ju në këto kohë të trazuara për vlerat dhe parimet në të cilat besojmë dhe luftojmë. Të kesh ty si udhëheqës të lëvizjes sonë socialiste do të thotë të udhëhiqemi në përpjekjet tona nga një njeri me mençuri dhe integritet të pamohueshëm. Ju keni të gjithë mbështetjen tonë në këto kohë ku më shumë se kurrë nevojitet qëndrueshmëri ndaj gënjeshtarëve, shpifësve dhe manipuluesve të fakteve nga skajet e sferës politike.
Është nder të qëndroj pranë jush. Arritja juaj e presidencës së qeverisë përmes zgjedhjeve të ndershme dhe legjitime, dhe falë politikës së ndershmërisë, solidaritetit dhe vullnetit të pamëshirshëm për dialog që keni dhënë për kombin tuaj, është një arsye bindëse për të vazhduar luftën. Për Spanjën, për Evropën dhe për të gjithë ne. Kurrë mos u dorëzo, kurrë mos u dorëzo, mos dysho kurrë se e vërteta do të mbizotërojë miku im i dashur”, shkruan Rama. /Telegrafi/
Dear @sanchezcastejon!
It is a privilege to have your friendship and the opportunity to work with you in these turbulent times for the values and principles we believe in and fight for. Having you as the leader of our socialist movement means being guided in our endeavors by a…— Edi Rama (@ediramaal) April 25, 2024