Real Madrid dhe Eden Hazard më në fund kanë arritur një marrëveshje, ku lojtari është lënë i lirë nga klubi mbretëror.
Dështimi më i madh në historinë e klubit dhe Real Madridi i dha fund bashkëpunimit një vit para se të skadonte kontrata dhe belgu do të mund të largohet nga “Santiago Bernabeu”.
Ky lajm është bërë i ditur nga mbretërit që do t’i paguajë Hazardit vitin e fundit të kontratës dhe do t’i japë letrat që të shkojë ku të dojë.
Mediat spanjolle shkruajnë se belgu do të vendosë se çfarë do të bëjë në orët e ardhshme dhe ka shumë gjasa që të marrë vendimin për t’i dhënë fund karrierës, vetëm në moshën 32-vjeçare.
Në vitin 2019, Eden Hazard mbërriti në Real Madrid si një përforcim i madh. Ai u pagua 100 milionë euro te Chelsea, por belgu nuk tregoi asgjë në “Santiago Bernabeu”.
Këtë sezon ai luajti 10 ndeshje dhe shënoi një gol. Në total ka luajtur vetëm 76 ndeshje me fanellën e Los Blanocs, ku shënoi shtatë gola dhe dhuroi 12 asistime.
Eden Hazard ka qenë pjesë e Realit për katër sezone, më të cilët ka fituar 8 tituj. Një Ligë të Kampionëve, një Kupë të Botës për Klube, një Superkupë Evropiane, dy La Liga, një Kupë të Mbretit dhe dy Superkupa Spanjolle ishin trofetë që belgu fitoi.
Për Chelsean ai ka luajtur 352 herë me statistika të jashtëzakonshme, ku shënoi 110 gola dhe dhuroi 92 asistime./Telegrafi/