Sulmuesi i Milanit, Gianluca Lapadula thuhet se do të përfundojë transferimin e tij në Genoa nesër (e martë) në mëngjes.
Transferimi i sulmuesit italian do të bëhet me huazim prej dy milionë eurove me një opsion prej 11 milion euro tjera për të blerë përfundimisht.
Zyrtarizimi i Lapadulas u shty fillimisht pas kontrolleve mjekësore të shënuara me një problem në thembra.
Megjithatë, Sky raporton sonte (e hënë) se testet e dyta mjekësore tregojnë se nuk ka problem dhe Lapadula duhet të nënshkruajë zyrtarisht më së largu nesër.
27-vjeçari u bashkua me Rossonerët nga Pescara verën e kaluar, duke shënuar tetë gola dhe duke ofruar tre asistime pavarësisht se luajti si titullar në vetëm 15 ndeshje.
Ai gjithashtu bëri debutimin e tij për Italinë, duke shënuar një het-trik ndaj San Marinos, megjithëse nuk ishte një ndeshje zyrtare e FIFA-s. /Telegrafi/