Klubi më i madh i natës, Zone Club, do të përmbyllë edicionin e dimrit me një mbrëmje të jashtëzakonshme.
Në partneritet me WinMusicFreedom, Zone Club mirëpret Mriko Logon dhe Alban Hi-Dini në super performanca që pritet të shoqërojnë të pranishmit atë natë.
Pritet të jetë kjo një lamtumirë speciale për të gjithë adhuruesit e klubit më të madh në vend, ku edhe vet klubi ka falënderuar të gjithë ata që ishin prezentë në netët plot festë.
“Një lamtumirë nga sezona e dimrit dhe një mirë se ardhje e ngrohtë e sezonës së verës, ku Zone Club rikthehet me evente magjike si kurrë më parë. Shihemi së shpejti”, ka mbyllur kështu konfirmin e mbrëmjes së madhe për mbylljen e sezonit të dimrit një nga pronarët e Zone Club, Dekorim Sahiti.
Zone Club realizoi një seri eventesh spektakolare gjatë gjithë stinës së dimrit, duke sjellë emrat më kulminatë të skenës vendore dhe ndërkombëtare. /Telegrafi/