Mbrëmë janë zhvilluar tetë ndeshje në ligën më të fortë të basketbollit në botë.
Kampioni i NBA-s, Cleveland Cavaliers dhe nënkampioni Golden State Warrirors kanë shënuar fitoret e radhës.
Por, befasinë e mbrëmjes si duket e kishte përgatitur skuadra e Los Angeles Lakers, transmeton Telegrafi.
‘Engjëjt’, të cilët nuk e kanë siguruar një vend në ‘Play-Off’ kanë triumfuar kundër San Antonio Spurs me rezultat 102-95.
Tyler Ennis realizoi 19 pikë për Lakers duke qenë edhe lojtari më efikas i takimit ndërsa Jordan Klarkson shtoi 17 sosh.
Në anën tjetër, Tony Parker pati një paraqitje solide prej 14 pikëve ndërsa Kawhi Leonard shtoi tre më pak se francezi.
San Antonio Spurs tashmë kanë siguruar një vend në fazën e ardhshme ndërsa Lakersave ju duhet të presin deri në vitin e ardhshëm.
Theksojmë se Cavaliers triumfuan kundër Boston Celtics me 114:91 ndërsa Warriors ishin më të mirë se Sunsat 120:111. /Telegrafi/
Rezultatet tjera:
Charlotte 99:112 Miami
Detroit 102-105 Toronto
Boston 91:114 Cleveland
Houston 110:104 Denver
Memphis 100:103 Oklahoma
Phoenix 111:120 Golden State
L.A.Clippers 112:101 Dallas
