Mbrëmë janë zhvilluar gjashtë ndeshje në ligën më të fortë të basketbollit në NBA.
Los Angeles Lakers ka shënuar fitoren e dytë me radhë pasi arriti fitore kundër Orlando Magic me rezultat 107:98.
D’Angello Russelli ishte lojtari më efikas i Lakersave me 27 pikë, ndërsa 24 të tjera i shtoi Jordan Clarkson në fitoren e dytë me radhë këtë stinor të Lakersave, e cila gjë ndodhi për herë të parë që nga 3 janari i këtij viti. Julian Randle përfundoi ndeshjen me ‘double-double’ me 23 pikë dhe 11 kërcime, raporton Telegrafi.
Te Orlando Magic lojtarët më të disponuar për takim ishin Victor Oladipo dhe Evan Fournier, të cilët kanë shënuar 26 pikë, përkatësisht 23 sosh.
Vlen të theksohet se veterani dhe lojtari më i mirë i Lakersave, Kobe Bryant pushoi për shkak të lëndimit të krahut.
Pas kësaj, Lakers ka bilanc prej 14 fitore dhe 51 humbjeve, në anën tjetër, Orlando këtë sezon ka regjistruar 27 fitore dhe 36 humbje. /Telegrafi/
Rezultatet:
L.A. Lakers – Orlando 107:98
Portland – Washington 116:109
Denver – New York 110:94
Minnesota – San Antonio 91:116
Utah – Atlanta 84:91
Toronto – Brooklyn 104:99 /Telegrafi/
