Los Angeles Lakers ka zhvilluar ndeshjen e dytë radhazi me San Antonio Spurs brenda dy ditëve.
Përderisa ndeshjen e parë e fituan, Lakers tani kanë pësuar humbje në Frost Bank Center me 14 pikë diferencë 129:115.
Mysafirët në këtë takim ishin pa tre basketbollistë shumë të rëndësishëm si Anthony Davis, D’Angelo Russell dhe Redish.
Devin Vassell ishte më meritori për këtë fitore të Spurs pasi e mbylli ndeshjen me 36 pikë e gashtë kërcime.
Paraqitje fantastike pati edhe qendra franceze Victor Wembanyama me 13 pikë, 15 kërcime, pesë asistime e dy bllokada.
LeBron James nga ana tjetër ishte më efikasi te Lakers me 23 pikë, shtatë kërcime e 14 asistime, por që në fund nuk mjaftuan për fitore.
Për Spurs kjo ishte fitorja e katërt dhe kanë 20 humbje, derisa Lakers kanë një bilanc prej 15 fitoreve e 11 disfatave. /Telegrafi/
