Los Angeles Lakers kanë fituar edhe ndeshjen e shtatë radhazi në NBA.
‘Viktima’ e radhës për Lakers ishte Memphis Grizzlies, ku ekipi nga Kalifornia triumfoi me një pikë epërsi 108:109.
LeBron James ishte më efikasi në këtë takim me 30 pikë, gjashtë kërcime e katër asistime.
Me lojë të mirë u dallua edhe Anthony Davis që shtoi 22 pikë e katër kërcime, ndërsa fundori Rajon Rondo e mbylli takimin me 14 pikë, pesë kërcime e gjashtë asistime.
Për Lakers kjo ishte fitorja e 14-të në NBA dhe e shtata radhazi.
Ndeshje spektkolare është zhvilluar edhe ajo mes Charlotte Hornets dhe Chicago Bulls, ku mysafirët me dy treshe në 10 sekondat e fundit kanë triumfuar me rezultat 115-116.
Zach LaVine ka qenë i jashtëzakonshëm në këtë takim, ku shënoi 13 tre pikësha dhe në total 49 pikë.
Fitorja ndaj Hornets, e ka ngritur Chicagon në pozitën e 10-të në Konferencën e Lindjes. /Telegrafi/
Rezultatet:
Minnesota – Phoenix 98-100
Charlotte – Chicago 115-116
Indiana – Orlando 111-106
Atlanta – Toronto 116-119
New York – San Antonio 104-111
Philadelphia – Miami 113-86
Cleveland – Portland 110-104
Memphis – LA Lakers 108-109
Milwaukee – Detroit 104-90
Utah Jazz – New Orleans 128-120