Los Angeles Lakers ka pësuar humbjen e 13-të këtë edicion në NBA.
Skuadra nga Kalifornia ishte mysafire e Memphis Grizzlies dhe kanë pësuar humbje me 17 pikë diferencë 105:88.
Ja Morant ishte fantastik në këtë përballje për vendasit me 27 pikë, gjashtë kërcime e 14 asistime.
E me lojë të mirë u dalluan edhe Brooks me 24 pikë dhe Valenciunas që shtoi 22 pikë e 20 kërcime.
Për Grizzlies kjo ishte fitorja 29-të këtë edicion dhe mbajnë pozitën e tetë në Konferencën e Perëndimit.
Ndeshje fantastike është zhvilluar edhe në TD Garden mes Boston Celtics dhe Houston Rockets.
Në fund fitore pas kohë shtesë ka marrë Rockets me rezultat të ngushtë 110:111.
Russell Westbrook ishte i jashtëzakonshëm në këtë takim me 41 pikë, tetë kërcime e pesë asistime.
Fitorja ndaj Celtics e mban Houstonin në pozitën e katërt në Konferencën e Perëndimit. /Telegrafi/
Rezultatet:
Atlanta Hawks – Portland Trail Blazers 129:117
Miami Heat – Brooklyn Nets 116:113
Cleveland Cavaliers – Indiana Pacers 104:113
Memphis Grizzlies – LA Lakers 105:88
Boston Celtics – Houston Rockets 110:111
San Antonio Spurs – Orlando Magic 114:113
Phoenix Suns – Golden State Warriors 99:115
