Kombëtarja e Shqipërisë do të ketë një ndeshje tejet të vështirë ndaj Italisë në mars.
Por sikur mos të mjaftonte kundërshtari i vështirë, Shqipëria po përballet edhe me mungesa të lojtarëve.
Së fundmi lëndim të rëndë ka pësuar Mërgim Mavraj, i cili u lëndua në Kupën e Gjermanisë ndaj Borussia Moenchegladbach.
Kësisoj mbrojtësi shqiptar do t’i mungojë Kombëtares së Shqipërisë në ndeshjen kualifikuese ndaj Italisë, por edhe në miqësoren.
Klubi gjerman ka njoftuar se Mavraj do të jetë jashtë fushave për rreth katër javë.
Hamburg u eliminua nga Kupa e Gjermanisë pasi u mposht në shtëpi nga Gladbach 1-2. /Telegrafi/