Emisari special i Bashkimit Evropian për dialogun Mirosllav Lajçak në ditën e parë të vizitës në Kosovë është takuar sot edhe me komandantin e KFOR-it në Kosovë, gjeneralmajor Franco Federici.
“Sot u takova me ambasadorin e SHBA-së në Kosovë dhe komandantin e KFOR-it për të diskutuar për zhvillimet aktuale. Mundësi e mirë për të konfirmuar unitetin tonë të fortë transatlantik”, ka shkruar diplomati sllovak në Twitter.
Arriving in Kosovo today, I met with the @USAmbKosovo and @NATO_KFOR Commander to speak about current developments. Good opportunity to confirm our strong transatlantic unity. pic.twitter.com/PpPxznDGId
— Miroslav Lajčák (@MiroslavLajcak) March 1, 2021
Lajçak po qëndron në Kosovë në një vizitë treditore ku do të takohet me liderët politikë të vendit.
Ai sonte është takuar me kryetarin e Lëvizjes Vetëvendosjes, Albin Kurti dhe ambasadorin e SHBA-së në Prishtinë, Philip Kosnett.
Lajçak vazhdon vizitën në Kosovë të martën, me një takim me ushtruesen e detyrës së presidentit, Vjosa Osmani, të paraparë për në orët e mëngjesit. /Telegrafi/