Në kohën kur vendi Kosova po përballet me mungesë të testeve për COVID-19, Serbia ka dërguar donacion njëmijë teste për COVID-19.
Ndaj kësaj, pati reagime të ndryshme nga opozita, të cilët e konsideruan absurde, ndihmën e Serbisë, duke ditur rrethanat politike.
Por, kështu nuk mendon Bashkimi Evropian.
Shefja e Zyrës së Bashkimit Evropian në Prishtinë, Natalia Apostolova, shefat e misioneve të BE-së, ambasadorët e Mbretërisë së Bashkuar, Zvicrës, Norvegjisë, shefi i EULEX-it dhe koordinatori për Zhvillim i Kombeve të Bashkuara, kanë bërë thirrje për lënien mënjanë të politikës në kohën e shpërthimit të coronavirusit në Kosovë.
Këtë deklaratë e ka përshëndetur emisari Special i Bashkimit Evropian për dialogun Kosovë-Serbi, Miroslav-Lajçak.
Përmes një shkrimi në Tëitter ka thënë se, nismat e bashkëpunimit rajonal janë shumë të rëndësishme për adresimin e sfidave të sotme.
“Unë mirëpres deklaratën e Shefave të Misioneve në Kosovë. Nismat e bashkëpunimit rajonal janë shumë të rëndësishme për adresimin e sfidave të sotme”, ka shkruar ai./Telegrafi/
I welcome the statement of the Heads of Mission in Kosovo. Regional cooperation initiatives are very important in addressing today’s challenges. Read the full statement ? https://t.co/3N80xbYWZ5 https://t.co/EEKLyRfqY9
— Miroslav Lajčák (@MiroslavLajcak) April 19, 2020