Emisari special i Bashkimit Evropian për dialogun Kosovë-Serbi, Miroslav Lajçak, është takuar me kryeministrin e Kroacisë, Andrej Plenkoviq, me të cilin ka biseduar për procesin e deritashëm në dialog.
Takimi mes emisarit Lajçak dhe kryeministrit kroat u zhvillua në margjinat e Forumit të Dubrovnikut, ku po merr pjesë edhe ministrja e Punëve të Jashtme, Donika Gërvalla.
Plenkoviq ka thënë se në këtë takim kanë diskutuar për dialogun Kosovë – Serbi.
“Diskutuam situatën politike në Evropën Juglindore dhe procesin e dialogut ndërmjet Kosovës dhe Serbisë”, ka thënë Plenkoviq në rrjetin social “X”, transmeton Telegrafi.
Tijekom @DubrovnikForum susret s @MiroslavLajcak. Raspravili smo o političkoj situaciji na jugoistoku Europe te procesu dijaloga Kosova i Srbije.#DF2024 pic.twitter.com/mAonq5c9pT
— Andrej Plenković (@AndrejPlenkovic) June 29, 2024
Lajcak ka folur në një panel diskutimi në Forumin e Dubrovnikut rreth procesit të negociatave mes dy vendeve dhe për letrën që ish-kryeministrja e Serbisë, Ana Brnabiq, ia ka dërguar BE-së duke mos e konsideruar Marrëveshjen për Rrugën drejt Normalizimit si ligjërisht obligative.
Lajcak ka thënë se BE-ja e ka thënë qartë që marrëveshjet e arritura në Bruksel dhe Ohër janë ligjërisht obligative dhe ka potencuar se obligimet që dalin nga marrëveshja janë edhe pjesë formale e Kapitullit të 35-të për Serbinë, që nënkupton se janë edhe pjesë e raportit në mes të Serbisë dhe BE-së. /Telegrafi/