Drejtoresha e përgjithshme e FMN-së, Christine Lagarde, i kërkoi sot qeverisë greke të mos humbasë kohë për të gjetur një marrëveshje me kuartetin e kreditorëve të saj mbi reformat që duhet të përmbushë.
“Mendoj se gjëja e fundit që ka nevojë Greqia në këtë moment është një vonim”, deklaroi Lagarde gjatë konferencës për shtyp të hapjes së mbledhjes së FMN-së.
Këto deklarata janë në të njëjtën linjë me ato të komisionerit evropian të ngarkuar me Çështjet Ekonomike, Pierre Moscovici i cili i ka kërkuar gjithashtu qeverisë së Aleksis Cipras të arrijë sa më shpejtë një marrëveshje.