Këngëtari i shndërruar në deputet, Labinot Tahiri vazhdon të jetë mjaft aktiv dhe i ndjekur në rrjetet sociale.
Ai tashmë shijon ulësen e deputetit në Kuvendin e Kosovës, të cilën e fitoi falë votave të qytetarëve.
Së fundmi, Labi ka publikuar një ‘selfie’ në rrjetin social Instagram, në mbishkrimin e së cilës u ka kërkuar falje fansave për lodhjen që politikanët ua kanë shkaktuar me debatet për zgjedhje.
“Mirëmëngjes populli ynë. RRugës për në punë, aty ku mirren vendimet e mëdha për qytetarët tanë ‘Parlamenti’. Uroj që më mos të ju lodhim me debate lidhur me zgjedhje sepse jetën ua kemi mërzit…! Këtij vendi i duhet punë dhe jetë më të shëndoshë, akoma nuk e kemi të nderuar qytetarë. Sa herë që të mundem do të ngris zanin për të drejtat tona” (sic.), ka shkruar Labi në mbishkrimin e fotografisë.
Ndryshe, Tahiri ka kohë që nuk ka sjell ndonjë projekt të ri muzikor për publikun, që pas hyrjes në Kuvendin e Kosovës si deputet. /Telegrafi/
