Policia e Kosovës bëri të ditur se një person ka raportuar në Polici se i është vjedhur vetura, të cilën e kishte lënë të parkuar dhe të ndezur para një marketi.
Në raportin policor bëhet e ditur se rasti ka ndodhur në Prishtinë, të hënën në orën 18:00.
“Viktima mashkull kosovar ka raportuar se nga personi, persona të panjohur iu kishte vjedhë vetura e tij me targa vendore të cilën e kishte lënë të parkuar dhe të ndezur para një marketi”, thuhet në raport.
Në vendin e ngjarjes kanë dalë njësitë policore dhe janë duke e hetuar rastin.
Ndërkaq, pronari i veturës ka kërkuar nga qytetarët ndihmë për gjetjen e saj.
“Të nderuar, më është vjedhur vetura Audi A6 2021, prapa Grand Store, para Meridianit. Kush ka info të lajmërohet në 049 725 444”, ka shkruar ai./Telegrafi/
