Kylie Jenner në videon e re në YouTube, shkëlqen me fotot e veshjeve të saj të vjetra të Halloween dhe i vlerëson ato nga 1-10.

Kylie po qëndron aktive këtë vit duke dhuruar përmbajtje të ndryshme për festa.

Në video ajo u shfaq me fustan ngjyrë portokalli, çantë të vogël me të njëjtën ngjyrë dhe vathë ari në formë të rrumbullakët.

Këto janë disa nga kostumet më të bukura – ato që Kylie vlerësoi gjithashtu 10/10.

Barbi

Kylie tha për kostumin e saj Barbie, “Unë doja të bëja një Barbie tradicionale. Ne ndërtuam të gjithë kutinë – unë ende e kam kutinë. Kur bëj kostume për Halloween, dua që gjithçka të jetë e saktë”.

Flutura

Historia e Kylie prapa kësaj është shumë e ëmbël: “Kur Travis dhe unë u takuam së pari, ne bëmë tatuazhe të vogla fluturash. Pra, një flutur është tamam si një simbol i marrëdhënies sonë dhe Stormit, dhe kështu ishte e veçantë të bëje kostumin e fluturave, pra 10/10”.

Sirena Ariel

Kjo tingëllon si një nga të preferuat e Jenner: “Ariel ishte aq e mahnitshme. Më pëlqente të isha versioni seksi, i rritur i saj”. E vlerësuar 10/10 nga vet ajo.

Christina Aguilera

Me sa duket vetë Christina e donte aq shumë kostumin e Kylie, saqë e ftoi Kylie në festën e saj të ditëlindjes. Kylie tha “Në vitin 2016 u bëra Christina Aguilera. Unë e dua atë. Vathët janë padyshim të rremë, ne vendosëm një parukë. Ishte ikonike, pra 10/10”.

Videon Kylie e përfundon me një pjesë të vogël këndimi. /Telegrafi/