Kylie Jenner u shfaq e mrekullueshme ndërsa përballoi temperaturat e ftohta në Aspen të shtunën mbrëma, duke veshur një fustan të zi dhe një pallto leshi, ndërsa mbante për dore vajzën e saj, Stormi, 6 vjeçe.
Ajo dhe motra Kendall, së bashku me shoqen Hailey Bieber, po shkonin për darkë në restorantin Casa Tua.
Kylie e përfundoi dukjen me taka me shkëlqim dhe geta të tejdukshme, ndërsa Stormi dukej e adhurueshme me një xhaketë argjendi, shkruan DailyMail.
Ndërkohë, Kylie ka pasur reagime negative lidhur me përdorimin e avionit të saj privat.
Ajo u etiketua si “kriminele klimatike” pasi avioni i saj kreu 11 fluturime që nga fillimi i vitit, duke emetuar rreth 162 tonë CO2.
Ky diskutim është intensifikuar pasi ajo postoi një deklaratë për ndihmën ndaj viktimave të zjarreve në Los Angeles, vetëm disa orë pas një fluturimi të saj.
Kylie është kritikuar për përdorimin e tepruar të avionit, duke shkaktuar një debat mbi kontradiktat mes përpjekjeve të saj për ndihmë dhe ndikimit të aktivitetit të saj në mjedis.
Pavarësisht kritikave, Kylie nuk ka bërë plane për të kufizuar përdorimin e avionit në vitin 2025. /Telegrafi/
