Kylie Jenner dhe Timothee Chalamet janë fotografuar në një takim të rrallë.
Milionerja 27-vjeçare dhe aktori 28-vjeçar morën pjesë në premierën e filmit të ri biografik të Bob Dylan në Los Angeles.
Kylie kishte veshur një fustan të zi të ngushtë për këtë event, derisa aktori i filmit Dune, kishte veshur një palë pantallona të zeza dhe një xhaketë lëkure.
Ata shoqëroheshin me të pranishmit dhe ishin në humor të mirë.
Thashethemet për lidhjen e tyre nisën në prill të vitit të kaluar. Më pas, faqja në Instagram “Deux Moi”, raportoi se ata ishin në një lidhje që nga janari i vitit 2023. Më në fund ata e konfirmuan lidhjen në koncertin e Beyoncé në Los Angeles shtatorin e kaluar. Dikush filmoi puthjen e tyre dhe pamjet u publikuan ekskluzivisht nga TMZ.
Që atëherë, çifti është fotografuar disa herë në publik.
Sa herë që ata shfaqen në ndonjë event së bashku bëhen temë dhe debat diskutimi, me fansat të gjithë të interesuar për raportin e tyre. /Telegrafi/