Sulmuesi francez, Kylian Mbappe mund të fitojë një trofe qysh në ndeshjen e tij debutuese me ekipin e ri, Real Madridin.
Real Madridi dje (e hënë) njoftoi transferimin e Mbappes me parametra zero, pasi francezi vendosi të mos rinovojë kontratën me Paris Saint-Germain.
Kalimi te Los Blancos mund ta pres Mbappen me trofe qysh në ndeshjen e tij debutuese.
Ndeshja e parë zyrtare e Mbappes për Real Madridin do të zhvillohet më 14 gusht dhe ajo është finalja e Superkupës së Evropës kundër Atalantës.
Kështu, Mbappe tashmë mund të fitojë një trofe në ndeshjen e tij të parë si lojtar i Real Madridit.
Gjithashtu, Superkupa e UEFA-s është një trofe që Mbappe nuk e ka fituar kurrë në karrierën e tij, pasi francezi nuk ngriti kurrë asnjë trofe evropian gjatë kohës që ishte në PSG.
Mbappe fitoi 16 trofe në Francë përpara se të bashkohej me Real Madridin, por asnjëherë Ligën e Kampionëve. /Telegrafi/