Mbrojtësi i djathtë i Anglisë, Kyle Walker, është i shqetësuar pasi nuk di nëse duhet të qëndroj te Manchester City apo të largohet këtë verë.
Mbrojtësi i shpejtë i Cityt ka një ofertë joshëse për të nënshkruar me kampionin gjerman, Bayern Munich.
Sipas mediumit britanik The Sun, Walker tani është në dy mendje për të ardhmen e tij aktualisht.
33-vjeçari mund të nënshkruajë një marrëveshje trevjeçare me Bayernin, por ai gjithashtu mund të zgjedhë të qëndrojë në Etihad.
Walker nuk e nisi ndeshjen në finalen e Ligës së Kampionëve ndaj Interit , gjë që e ka bërë të kuptojë se nuk është më zgjedhja e parë për trajnerin Pep Guardiola.
Marrëveshja aktuale e Walkerit prej 160 mijë funtesh në javë ka edhe një vit, por City i ka ofruar atij një marrëveshje të re dyvjeçare. /Telegrafi/