Mikel Artetas është duke punuar shumë që të ndërtojë një skuadër të suksesshme te Arsenali.
The Gunners e mbyllën edicionin 2019/20 me triumfin në FA Cup, derisa trajneri spanjoll në këtë verë do të ketë shumë punë.
Arsenalit do t’i duhen rreth 200 milionë euro për t’i realizuar shënjestrat e tyre, gjersa Willianin pritet ta marrin me parametra zero nga Chelsea.
Philippe Coutinho është caku kryesor i skuadrës londineze, derisa janë të vendosur të transferojnë edhe Thomas Parteyn nga Atletico Madridi.
Arteta po ashtu po tenton të bind Dani Ceballosin që të qëndrojë përfundimisht tek ta, pasi ishte i huazuar nga Real Madridi për një sezon.
Me pesë lojtarë të rinj në formacion, Topçinjtë do të kishin shpresë që të riktheheshin në top katërshe. /Telegrafi/
