Ministri i Trashëgimisë, Amichay Eliyahu është zyrtari i parë i lartë qeveritar që reagoi ndaj vrasjes së liderit të Hamasit, Ismail Haniyeh në Teheran.
Ai, përmes një postimi në rrjetet sociale ka shkruar se “kjo është mënyra e duhur për të pastruar botën nga kjo ndyrësi”.
Komentet e tij vijnë pavarësisht raporteve të mediave hebraike se kryeministri Benjamin Netanyahu urdhëroi ministrat e tij të heshtin për atentatin brenda natës në kryeqytetin iranian, shkruajnë mediat e huaja, përcjell Telegrafi.
Ndryshe, Izraeli nuk e ka komentuar zyrtarisht vdekjen e Haniyeh.
אֶרְדּ֣וֹף א֭וֹיְבַי וְאַשִּׂיגֵ֑ם
וְלֹֽא־אָ֝שׁ֗וּב עַד־כַּלּוֹתָֽם׃זו הדרך הנכונה לנקות את העולם מהזוהמה הזו.
לא עוד הסכמי “שלום”/כניעה מדומיינים, לא עוד רחמים כלפי בני המוות הללו.יד הברזל שתכה בהם, היא זו שתביא לשקט ומעט נחמה ותחזק את היכולת שלנו לחיות בשלום עם אותם… pic.twitter.com/umCzG0JTmJ
— 🇮🇱עמיחי אליהו – Amichay Eliyahu (@Eliyahu_a) July 31, 2024
Me këtë, Eliyahu, një anëtar i partisë së ekstremit të djathtë Otzma Yehudit të Ministrit të Sigurisë Kombëtare Itamar Ben Gvir, indirekt pranoi se Izraeli qëndronte pas vrasjes.
“Dora e hekurt që do t’i godasë është ajo që do të sjellë qetësi dhe pak rehati dhe do të forcojë aftësinë tonë për të jetuar në paqe me ata që kërkojnë paqe”, ka thënë më tej ai.
Kështu, sipas tij, “vdekja e Haniyeh e bën botën një vend pak më të mirë”. /Telegrafi/