Në ndeshjen e katër finale të Play Off në Supërligën e Basketbollit të Kosovës, mes Sigal Prishtinës dhe Pejës, ka ndodhur një gjest i pahijshëm.
Është Kryetari i Sigal Prishtinës, Blerand Stavileci i cili ka refuzuar të ia jap dorën, Kryetarit të Pejës, Art Gashit edhe pse ky i fundit e uroi për fitoren.
Kjo ka bërë që shumëkush të reagojë ndaj këtij gjesti të parit të klubit prishtinas, ndërsa ka ardhur edhe reagimi i kampionit aktual të Kosovës në Basketboll, transmeton Telegrafi.
PO ASHTU LEXONI: Skandaloze: Gjesti i ulët i Blerand Stavilecit, refuzon t’ia japë dorën Art Gashit (Video)
I pari që reaguar publikisht ishte këngëtari dhe fansi i sportit, Blerim Muharremi-Blero, i cili pohoi se Blerandi duhet të jetë shembull për të tjerët dhe nuk e meriton të jetë president i klubit.
PO ASHTU LEXONI: Pas skandalit në basketboll, Blero i ka dy fjalë për Blerand Stavilecin (Foto/Video)
Së fundi ka reaguar edhe skuadra prishtinase duke shpërndarë në llogarinë zyrtare në Facebookut videon teksa shihet Blerand Stavileci duke mos pranuar të përshëndetet me kryetarin e klubit pejan, Art Gashi.
“Kështu përfundojnë ata që shajnë Prishtinën!”, shkruan në llogarinë zyrtare të klubit prishtinas.
Ndryshe, Sigal Prishtina ka barazuar serinë finale të “Play Off” 2:2 pas triumfit me rezultat të thellë prej 80:65.
Vlen të theksohet se takimi i fundit, ku do të mësohet emri i skuadrës kampione, do të zhvillohet të shtunën në palestrën sportive pejane “Karagaç”. /Telegrafi/
