Marrëveshja tekniko ushtarake mes të Aleancës Veri Atlantike – KFOR-it, dhe Ish Republikës Federative të Jugosllavisë, e nënshkruar në Kumanovë më 10 qershor të vitit 1999 dhe hartat e asaj kohe, Rezoluta e Këshillit të Sigurimit, kapitulli VI Kosovë, faqe 117 dhe126, dhe Propozimi gjithëpërfshirës i vitit 2007, janë dokumentet bazë të cilat e përcaktojnë kufirin shtetëror të Republikës së Kosovës, përfshirë edhe kontekstin aktual të shënimit dhe demaskimit të kufirit me Malin e Zi.
Ky sqarim gjithëpërfshirës, që do të shoqërohet edhe me materialin adekuat përcjellës, do t’ju servohet si informatë deputetëve të Kuvendit të Kosovës, anëtarë të Komisionit për Integrime Evropiane, gjatë raportimit nga Kryetari i Komisionit shtetëror për shënjimin e kufirit Murat Meha.
Gazeta Infopress ka siguruar këtë material voluminoz i cili do të zbardhet edhe para deputetëve edhe në ballafaqimin e së martës me Murat Mehën, por që ky takim u shty për këtë të premte.
Në cilësi të informatës, deputetët do të kenë para vetës raportin e detajuar prej 109 faqesh me të gjitha informacionet relevante që kanë të bëjnë fillimisht me hartat dhe procedurat e përcaktimit të vijës kufitare me Malin e Zi.
Dokumentin mund ta gjeni: KËTU