Zv/kryeministri i Maqedonisë Festim Halili ka siguruar sërish autobusin e hapur për Majlinda Kelmendin.
Me këtë autobus Majlinda Kelmendi do të ec nga aeroporti deri në Prishtinë e më pastaj do të shkojë edhe në vendlindjes e saj në Pejë.
Zv/kryeministri i Qeverisë së Maqedonisë, Festim Halili gjithashtu këtë autobus e siguroi edhe për kombëtaren shqiptare.
Halili njihet si tifoz i madh i sportit e veçanërisht i kombëtares shqiptare duke qenë i pranishëm gati në të gjitha ndeshjet që ka zhvilluar kombëtarja si vendase, njofton Tetovasot.
Ndryshe xhudistja Majlinda Kelmendi këtë vit bëri historinë. Majlinda i solli medaljen e parë të artë Republikës së Kosovës. Ajo në finale ishte si eksploziv kundër italianes, Odette Giuffrida.
Mbetet të shihet se si do të dekorohet autobusi që do të bartë heroinën e Kosovës nga aeroporti deri në Prishtinë.
