Kuvendi i Shqipërisë është mbedhur sot në një seancë plenare ku pritet të votohet një projekt-rezolutë me të cilën dënohet agresioni ushtarak rus në Ukrainë dhe shkelja e rëndë nga ana e Federatës Ruse të sovranitetit dhe tërësisë territoriale të Ukrainës, si një akt që dhunon rendin ndërkombëtar.
Projekt-rezoluta mbështet gjithashtu sanksionet ekonomike dhe masat diplomatike të ndërmarra nga partnerët strategjikë ndaj Rusisë dhe ndihmën ushtarake dhe humanitare për Ukrainën dhe popullin e saj.
Nga ana tjetër në rezolutë bëhet thirrje për ndalimin e menjëhershëm të përdorimit të forcës nga Rusia në Ukrainë dhe për tërheqjen e forcave ushtarake ruse nga territori i Ukrainës sipas kufijve të njohur ndërkombëtarisht.
Ndërkohë, ish-kryeministri dhe njëkohësisht deputetet i opozitës, Sali Berishës ka kërkuar daljen e Shqipërisë nga nisma “Ballkani i Hapur”, i përbërë nga Shqipëria, Serbia dhe Maqedonia e Veriut. Ai është shprehur se kjo pikë duhet të shtohet në rezolutë.
Opozita ka kërkuar gjithashtu dënimin e qëndrimit të Serbisë për çështjen e Ukrainës dhe lidhjet që sipas tyre Serbia ka me Rusinë. /Telegrafi/
