Kryetari i Kuvendit, Talat Xhaferi konstatoi dorëheqjen e kryeministrit Zoran Zaev, ndërsa bashkë me dorëheqjen e tij tërhiqet edhe i gjithë kabineti qeveritar.
Këtë akt deputetët e opozitës maqedonase e pritën me duartrokitje, njofton Telegrafi Maqedoni.
Kryetari i Kuvendit tha se përbërja aktuale e Qeverisë mbetet në detyrë deri në formimin e Qeverisë së ardhshme.
Në seancën e sotme u konstatua edhe dorëheqja e deputetes Nevenka Stamenkovska Stojkoski, e cila do të emërohet ministre teknike e Shoqërisë Informatike dhe Administratës nga radhët e OBRM-PDUKM.
Gjatë ditës së sotme pritet që presidenti Pendarovski t’i japë mandatin ish-ministrit të Brendshëm, Oliver Spasovskit dhe më pas Kuvend të propozojë kabinetin e ardhshëm qeveritar./Telegrafi/