Philippe Coutinho e ka kompletuar transferimin e tij nga Barcelona te Bayern Munichu, ku do të qëndrojë së paku deri në fund të sezonit.
Futbollisti brazilian do ta kalojë edicionin 2019/2020 në Bundesliga dhe kontrata e tij është valide deri më 30 qershor 2020.
Porse, kampioni gjerman e ka të drejtën që ta bëjë të përhershëm transferimin, por që të ndodhë kjo duhet të paguajë 120 milionë euro, transmeton Goal.
Bayerni tashmë ia ka paguar Barcelonës 8.7 milionë euro vetëm për huazimin e lojtarit dhe do ta paguajë rrogën e tij të plotë për një sezon.
Pas largimit nga Katalunia, 27-vjeçari pritet që të nisë një aventurë të re në Bundesliga, pas dështimit që t’i tregonte pritshmëritë në Camp Nou që nga transferimi prej Liverpoolit. /Telegrafi/
🗣️ @Phil_Coutinho: "Ich kann es kaum erwarten, das Trikot überzustreifen und zu spielen." #ServusCoutinho pic.twitter.com/Lemu3ivLV4
— FC Bayern München (@FCBayern) August 19, 2019